مطلوب رقاصة وطبال

من كام يوم ببص في الاهرام لقيت اعلان عن ملتقي لتوظيف شباب الخريجين والخبرات بصراحة مقدرتش اقاوم فرصة ذي النصبة الي في الاخر هاترسي على افراد امن ومندوبين مبيعات طبعا انتو شايفين الزحمة والعواطلية احب ان أذكر حضراتكم بما قاله فخامة الرئيس محمد حسنى مبارك بعد الاستفتاء خالد الذكر "ان توفير المزيد من فرس العمل والحفاس على معتلات مرتفعة ومتواسلة للاستثمار والتشغيل من اسمى اهدافي واسأل الله أن يكلل بالتوفيك جهودنا من أجل تحكيك التكدم لشعب الكنانة العسيم" يسلم فمك يا ريسنا يا عسل انت يا حبيبييييي

الغلابة دول قاعدو يملو استمارات و يبوسو في ايد الناس على اي شغلانة وافترشو طرقات الملتقي وراء هذا الحلم

ودول بقا اشتغلو من غير انترفيو ولا سي في . وسط المعمة ومفيش حد لاقي شغل والشركات بتتهافت على القطاقيط دي.. اسماله عليكي خشي برجلك اليمين يا حلوة يا اختشي

الي على اليمين ده اترمي في اقربها زبالة واللي على الشمال ده ابو كرفتة بمبي اتاخد للشغل

دول بقا القطاقيط المسؤولون عن ملتقى التوظيف المصري.. انا سبت الهبل والضحك على الضقون الي كان في الملتقي و قعدت اصور تسريحات الشعر واللينسز ومعرفتش اصور ريالة العيال ولا التتنيح والحول الي حصل اول لما دخلو وشافوهم

السؤال بقا ليكي
هل شعرك اصفر ؟
هل عنيكي خضرا ؟
هل عملا ضوافرك فرنش ؟
هل انتي فاتحة 3 زراير من القميص ولا زرار واحد ؟

هل تمتلكين موهبة الرسم على خلقتك وعلى خلق الله ؟
و بالنسبة ليك
هل ملغوص شعرك جل ؟
هل ترتدي كرفتة فشفشي فاتح عالموضة؟
هل تحلق ذقنك يوميا بجيليت بلو تو ؟
هل تلبس حذاء ايطالي ؟

هل تمتلك قدرة على الكلام بالعين والحاجب؟

لو اة ....يبقا ليك مستقبل مبهر في سوق الهنود الحمر لو لاْ يا اما تشتغل مندوب مبيعات يا تعمل بلوج
شهادات اية وتقدير ايه كتو القرف مليتو البلد ..ياله هاتو الطبلة والسجات اتلحلحوا كدا ونسمع سلام يا بتاع النعناع يا منعنعععععععععععع ...لولولولوييييييييييي

يا دي المصيبة

بيقلك 18 مليون مصري عندهم انيميا
و 30 مليون مصري عندهم اكتأب حاد
و5 مليون مصري عندهم ضغط
و 4 مليون مصري عندهم السكر

و14 مليون مصري عندهم فيروسات كبدية .........كل ده من تحت راس زبل الحمام بالمنسبة دي احب اشكر وزير الصحه لاهتمامه بمشروع بمبرز العصافير واستجابتة لرغبات الشعب .....نرجع لموضوعنا مش وقته الكلام دة دلوقتي
بيقلك 13 مليون مصري مدخن ............ هانتحسد والله

بيقلك 9 مليون مصري عانس من ده على ادا ........فين ده بمزاجناااااااااااااااااااااااااااااااااا

بيقلك 12 مليون مصري عايشين في العشوائيات والمقابر... احنا متربين احسن تربية وعايشين احسن عيشة

بيقلك 11 مليون مصري معندهمش رقم قومي ...... لعيبة أساتذة وروئساء قسم

بيقلك 35مليون مصري فقير
و 15مليون مصري تحت خط الفقر
و 10مليون مصري مش لاقين ياكلو
ان بقول يعني 60مليون مصري متبهدلين وعايشين عيشة البرغوته في اللموئخذة
بيقلك 26 مليون مصري مشتركين في التأمينات ......ويشاورو علية ويقولو العبيط اهو
بيقلك 18 مليون مصري بيتشحططوا في المحاكم كل سنة ..........لاااااااااااااااا داحنا بنروح المحكمه نقعد مع بعض في حب و سؤدد وسعات نتلم كمصرين ونغني كلنا

نهايتو بلا خيبة بقا

خديجة ..ايه يا بت الحلاوه دي

DIVA...مزه...مزه..يعني

ماجستير

عشرميت سنه تحويش وضئرمة عشان ماجستير من انجلترا بدل طابورالمواشي بتاع الدراسات العليا فمصر (قربت اعفن من كتر القاعده قدام الابحاث) ..بعت اللي ورايا واللي قدامي - قاعده التلاجه ومرايه الحمام واستبن العربيه وكاراتين الجهاز(امي اللي عندها امل) والغيارات الخارجيه والداخليه فدائا لهذا الهدف الخايب العايب النايب برضو مش عارفه اسافر ... سنه كامله هابعد فيها عن اهلي واخواتي وبيتنا وخليفه بوز الاخص والواد عصفوره اللي بيحمرق في البن والشهداء زمايل الكفاح والعمل والبت شوشو وعيالها اللي فاكرين صفيحه الزباله الي قدام شقتنا قصريه وشله العوانس والمطلقات اصحابي وشله حرم عليا عيشتي والبت امو حنيفه وفتويها الي تودي في داهيه (هل يجوز المسح على راس احمد -25 سنه - ابن الجيران اذا عرفت انه يتيم ؟) والبت كرستين الي هتجوز في شقه 20 متر في شبرا اكمن المكروباص بتاع سته اكتوبر باتنين جنيه ونجوم اف ام والمذيعين بتوع معامله الاطفال (الا لامؤاخذه مين سماح انور الي هاتساعد الشباب في حل مشاكلهم....... مش تعالجي نفسك الاول يا حجه ) وبرنامج البيض بيضك وعصام الحضري مخترع طريقه الوزه في الدفاع عن المرمي والعيش ابو مسامير والفول بزيت العربيات والخضار ابو دود والمجاري الطفحه وميدان التحرير الي مقفول على طول للتشريفه الي بتعدي في اربع تيام(دول لو راكبين جمال كانو وصلو رفح) وكوبري سته اكتوبر اللي بيبقا فاضي يوم الجمعه وسلالم المترو الي مبتخلصش والديمقراطيه والكوسه والوطني ...الخ ..همم....مش عارفه اقرر وبالزات اني حاسه ان الشهاده دي هتتعلق في المطبخ في الاخر .. فاضل شهر على السفر..ادعولي

تاج

SECTION 1 -

Last 1s?

1. Last beverage? Tea with mint
2. last phone call? Heba (Asking For a Favor)

3. last instant message? Nagla (Career Problem)

4. last cd played? Haga Religion

5. last time you cried? 5 min ago (Trapped In Epic Tribulations)

6. last text message? VodaPhone (I Talk 2 Much)

SECTION 2 -

6 Have You Evers:

1. dated someone twice? No Comment

2. been cheated on? No Comment

3. kissed someone & regretted it? No

4. lost someone special? Ya

5. been depressed? Ya

6. been drunk and threw up? Nope, alhamdu lellah

SECTION 3

- List 3 Favorite Colors

1. Pink

2. Black

3. Blue

SECTION 4

This month have you

1. Made a new friend? Ya

2. Fallen out of love? No Comment

3. Laughed until you cried? Ya

4. Met someone who changed your life? Ya

5. Found out who your true friends were? Ya

6. Is there something you want to tell someone? Ya

7. Would you kiss anyone on your top friends? Ya

8. How many people on your top friends do you know in real life? All

9. How many kids do you want to have? 7 Or Maybe More isa

10. Do you have any pets? No

11. Do you wanna change your name? Maybe

12. What did you do for your last birthday? Fight
13. What time did you wake up today? 08:30 am

14.What were you doing at midnight last night? With Freinds

15. Name something you CANNOT wait for? Be a mum

16. Last time you saw your father? 12 Hours Ago

17. What is one thing you wish you could change about your life? Stop Talking

18.What are you listening to right Now? Idiot in the Office

19. Have you ever talked to Tom? Na3am Ya7'ty

21. Have you ever talked about someone behind their back? With Good Words

22.What’s the last piece of clothing you borrowed from anyone? Socket From Mum

23. Who’s getting on your nerves right Now? Me

24. Most visited webpage? Hotmail

25. Coke or Pepsi? Pepsiiiii

26. Have you kissed or been kissed by anyone in the past week? Ya

27. Mac or PC? MAC for sure!

I Pass this to Sampatek , Khaled , Khaled not khaled , Esra , Bino , Amr Ahmed, 5msa Fdfda , Carol ,Banota , Mo'men , Anima, A7lam , Gebson , Karmoty, Fa2ry , Yasser , Riham and to all the girls and boys who visited me

حوار خنيق مع واحد اخنق

الشيطان:الا انتي اخر مره استحميتي امتي؟؟
ميمو: وانت مال اهلك ....انت هتتبناني ؟؟؟؟

الشيطان:انا بس قلت افكرك
ميمو: مش كفايه واكل ,شارب , نايم , قايم , بتتفرج على التلفزيون ببلاش ولا كأنو بيت ابوك

الشيطان: طيب خلاص قومي ياله ارمي نفسك تحت اي اتوبيس
ميمو:ياعبيط يا بتستعبط ..السواق ده مش وراه كوم لحم زمبهم ايه دول؟

الشيطان:هوا انسب حل انك تنطي في النيل
ميمو:مانا بعرف اعوم ...مش هاينبني الا حته دور برد رخم زيك

الشيطان : يا بختك .. ومين اللي علمك العوم؟

ميمو:انت هاتصحبني ..والله عال ماتبقاش الا انت

الشيطان:تحبي تولعي في نفسك؟
ميمو:لا لا لا انا بخاف من الولعه ويعني هتبقا نار هنا وهناك

الشيطان:ممكن تشربي سم فران
ميمو:معدتي حساسه وبعدين لونه غريب قوي ..حاجه تقرف

الشيطان:هممم....ايه رايك في سكينه حلوه من المطبخ؟؟
ميمو:انت مجنون ياااله واوسخ لماما الشقه انت عارف السجاجيد سعرها كام دلوقت؟؟

الشيطان:خلاص يبقا تمسكي سلك عريان
ميمو:واللهي ما عريان غيرك ؟؟ ايه الافكار بنت الوسخه دي ...اخرس خالص صدعتنا

الشيطان:بس انا عايز اقول حاجه
ميمو:اتهبب قول ... وانجز عشان الشوط التاني هايبتدي وعبواحد السيد ادائو زفت

الشيطان:ابوس ايد اهلك يا شيخه تخشي تستحمي عشان انا النبتشي هنا وقربت اموت ..وبمنظرك ده هتقلبلنا جهنم

الرحمه حلوه

احساس بالقمع ..... استاذ الجامعه يفضل يكره الطالب في عيشته ويعقده والطالب يروح كل يوم يشتكي لامه ولامت لا اله الا الله من الاستاذ والماده الي غالبا مايكنش ليها لازمه من اصلو ...و المديرين في الشغل يتفنانو ازاي يطلبو لبن عصفور زنجباري يتيم ويكون اوف وايت ... والشيوخ في المساجد تيجي تسالو عن فتوي في اي حاجه ....تكتشف انك بوذي وليك اصول درزيه .. البقال تيجي تطلب منو جبنه رومي يقلك اديمه قوي ولا جديده قوي و لانص نص و لا اجبلك فلمنك .. وفي الاخر يديك زاتون ... عايز تعمل بطاقه ولا رخصه .. تقعد تلف في القسم من الباشا ده للباشا ده و الباشا ده يمضي ابل الباشا ده والباشا ده بتاع ده وده مالوش في ده .. وموت يا حمار لما تخلص وانت جايب واسطه اساسا ده غير الاكراميات .. تبقا ماسك البطاقه ولاالرخصه كانها كنز.. الخوخه الي جت بعد دوخه .. ده حتي الراجل في بيتو بيصحي الصبح وطلبت معاه يلبس الشراب البني .. ياعم البدله سودا ... لا انا عايز الشراب البني ابو نقطه بيج ... يا سيدي مش هيليق .... ماليش دعوه .... مش نضيف ... مفيش فايده ... يعني ربنا قال لبني اسرائيل ادبحو بقره وخلاص قعدو يصعبو على نفسهم ويكلكعوها وطب لونها ايه؟؟؟ طب نوعها ايه؟؟؟طب شكلها ايه ؟؟؟؟ طب مش عارف ايه؟؟؟ ليه كدا بس ... سهلو على نفسكو عشان ربنا يسهل عليكو . الرحمه حلوه

تاج

اللي عارفين نفسهم وعملو فيا الجريمه دي احب اقلهم حركه مش سهله وهانتقم بطرقتي

هل كنت طالب شاطر فى المدرسة ؟
اه

ايه كانت احب مادة و اكره مادة ليك فى المدرسة و الكلية؟
الرياضه دح وعلم النفس كوخ
قواعد البيانات حلوه والوصفيه عايزه الحرق

كنت عايز تتطلع ايه وأنت صغير؟
رسامه

هل فكرت في إغلاق المدونة.. والسبب ؟
على جثتي

صورتك فى المدونة ..رمزيتها ؟
العبور للمستقبل

طبيعة كتابتك فى المدونة بشكل عام ..سياسة ..قصة ..عبث ..كلام فاضى ؟
أبحاث علمية

لماذا تدون أصلا ؟
من اجل تحكيك الديمكراتيه

أحلى جملة قيلت لك فى وصف مدونتك ؟
عظيمه يا مصر يا وكاله البلح

التعليقات بالنسبة لك ..أهميتها ؟
مشاركه

أفضل مدونة قرأتها ..يمكن اختيار عدة مدونات ؟
اي مخلوق سبتلو تعليق يبقا عجبتني المدونه

حد قل ادبه فى التعليق ..ايه رد فعلك ؟
بالي فرجلي

أسوأ مدونة الاجابة اجبارية يمكن اختيار عدة مدونات هما كتير اصلا ؟أسوأ مدون مهو هتجاوب هتجاوب؟أسوأ بوست؟
ابو لهب والمدونات التي تسب الله

ايه اللي هيحصل لإيميلك لما تموت ؟

انا هبقا في ايه ولا في ايه

اديت الباس وورد لحد قبل كده ؟

الباسورد هي 123456
لاااااا هوا انا عبيطه

اسمك ؟
بصي في البيانات

اسم الدلع المشهور وسط اصحابك ؟
مهموز
ده طبعا عشان بهدي النفوس

عمرك ؟
بصي في البيانات

برجك؟
بص في البيانات قلنااااااااا

مجال دراستك ؟

Computer engineering

شخصيتك نوعها إيه ؟

Moody

السفر بالنسبه لك ؟
Change

المود بتاعك ؟
Flexible

وقت فراغك بتعمل فيه ايه ؟

كل خير

الاكلة المفضلة ؟

جيلي كولا

الصفات اللي خدتها من بابا ؟
الحنيه

الصفات اللي خدتها من ماما ؟

الطيبه

اكتر 6 حاجات بتحبها ؟
الله
الرسول ص
الناس
الاخلاق
الشغل
الستر

اكتر 6 حاجات بتكرهها ؟
الشيطان
سوء الاخلاق
الخوف
المرض
النكد
السؤال لغيرالله

الشغل بالنسبه لك ؟

شغل النفس بالحلال

ايه الكمبيوتر والانترنت بالنسبة لك ؟

شي لا يمكن الاستغناء عنو

امررهم لمين ؟؟
لاي مدون مسلم او مسيحي بس يعرفني انه هايجوبو

حجره عمليات كوكي بارك

بعد الحادثه الم رهيب الدنيا بتلف ..مش فاكره غير ان سلسله مفاتيح كانت في ايدي اليمين ... فتحت عيني لقيتني خير اللهم اجعله خير في مكان زي ما يكون الترب ...حيطان زرقا و ناس زرقا وزي ما تقولو دراعاتي مش حاسه بيها ولا وشي وتلات ممرضات بيلعبو في جتتي البخت .. دم في كل حته .. ايه الارف ده .. يايييييييييييييييييي ده دمي .. حطولي محلول وبتشحتف من الوجع وكل حته بتنزف مش عارفه اتكلم وواحد اكاد اجزم انه عجلاتي اترزع جنبي وقعد يخرملي هوا وممرضات الغابره ضهر كفوفي وكوعيني من كل جانب في محاوله منه لتثبيت خازوق ابيض تسبب في اني انا راخره بقيت زرقا .. شويه

قالي انا احمد النايب بتاع الدكتور...مع ضحكه هابله ههههههههه .....قوليلي .... اخر مره كلتي امتي ؟
مفياش نفس اتف عليه ولا فيا صحه احدفه بره الاوضه .....امبارح
العجلاتي :عندك اي امراض ؟ بتشربي سجاير؟ متجوزه ؟ مخلفه ؟ ههههههههه عملتي عمليات ابل كدا ؟
ميمو : هيا ليله زرقا من اولها ... لا
العجلاتي:بصي يا ماما انتي جابوكي جماعه بنا وقالو انك عملتي حادثه ولازم نعملك عمليه في وشك ... معاكي اثبات شخصيه ؟ هيا هيا الضحكه الهابله هههههههههه ...احنا ملقيناش معاكي الا المفاتيح ؟
الممرضه : اقلع العيانه؟؟؟
العجلاتي : بسرعه عشان نزفت والجلوكوز خلص..هههههههههه ..معاكي فلوس نجيبلك جلوكوز تاني ؟
ميمو:ده تقريبا فرحان فيا ..ممممم
الممرضه :اه صحيح .... كل سنه وانتي طيبه

فقدت القدره على التركيز بس سمعت صوت واحده نايمه في السرير الي جنبي حالتها كانت احسن شويه وكانت على وشك الخروج .زعقت : انا هاويديكو فداهيه مش شايفنها عماله تنزف سايبنها بتصفي وبتكلموفي حجات هابله ... روحي يا شيخه ينصر دينك .. وبعتت جابت واحد تاني غير العجلاتي دخلني العمليات في سعتها اظاهر الست دي تعرف حد مهم فكوكي بارك .. قبل العمليه بقا الممرضات عاملين بيحضرو عده السلاخانه ولقحوني على سرير مليان دم معفن المفروض انهم هايشتغلو فيا عليه ... الجراح على يميني والتخدير على شمالي وفجأه الجراح مسك بتاع التخدير

الجراح: متقربش من الدراع الشمال عشان متبهدل
التخدير:الكانيولا هاتتحط في درعها الشمال يعني هاتتحط في دراعها الشمال
الجراح: انت مش شايف بايظ ازاي ركبها في اليمين
التخدير: سيبني اشتغل ومالكش دعوه هوا شغلي ولا شغلك ركز في الي هتعملو
ميمو: ابوس ايدك يا باشا سيبو يشوف شغلو انت عايزني اموت
الجراح: والله العظيم مانا واخدك معايا العمليات تاني
التخدير: احا ...العيانه دي مسؤليه... انا اللي اقول المخدر يمشي ازاي
ميمو:.يا جماعه صلو عالنبي ... انتو مالكوش غير بعض والله هوا شيطان ودخل بينكو
الجراح:عايز تبهدل العيانه مش كفايه البهيم (قصدو النايب) اللي بوظلها درعاتها الاتنين
ميمو:لا الله يسترك ماتقربش للعيانه .....خبونييييييي
التخدير: مش كفايه مستحمل العك بتاعك في العمليات كمان بتتدخل فلي ملكش فيه

الممرضه : اركبهولها انا يا دوك .. كل سنه وانتي طيبه
ميمو:ابعدوها عنييييييييي
الجراح: ينعل ابوكو ولاد ستين عر.... وشتايم من هذا القبيل

الفاظ عمري ما سمعتها وانتهت المعركه على ان بتاع التخدير خطف دراعي الشمال بالعافيه من الجراح وقالي اتشهدي على روحك وراح مسمي...اااااااااااااه ه.. مش عارفه بقا انا اغمي عليا من الرعب ولا من البنج ..بعد العمليه سابو الخازوق (الكانيولا) بتاعت البنج في ايدي تلات تيام لحد ما دراعي بقا عامل زي البتنجانه والاورده كلها طفحت والغرز الي معموله في وشي وكتفي فكت ده غير ان العمليات كلها شهدت اني اتصفيت يعني الحمد لله الاتنين طلعو بقر في الاخر ..لما فقت سمعت صوت خبط ورزع بسأل ... قالولي ده الجراح ماسك بتاع التخدير ونازل فيه ضرب
الممرضه : كل سنه وانتي طيبه

ما ينفعش تتقندل اكتر من كدا

كنت اتختبط بلا وكسه .. وفي ظل احلامي الورديه المخمليه للمره ا..العدد في اللمون ..ولان الاخ وحيد امه ده غير بنات كبار يعني رسمي ليا من الحموات يجي ربع دسته .. ولتأكد الاخ اني هاتخانق هاتخانق ولان تقريبا كدا .. شافلو شوفه واحده من الي بيصوصوه بالفرنساوي وفاقده للسان والعقل كاعضاء بشرية وغير قادره على الاعتراض او اخذ اي قرارات بدون معاليه .الي خدته القارعه تخدو ام شعر..يعني قليل البخت لا يلاقي العضمه ولا الكرشه.. وكالعاده البيت قام مقعدش وكالعاده العيب مش فيا وبكره يجيلي سيد سيدوووو بس يعني موضوع الشغل والخطوبه واهلى وواحده ماتت وواحده صاحبتي بنت ستين .. ولا بلاش اتخنقت معايا ومع كل هذه الضغوط .. طراخ .. طراخ .. طراخ .. جالي عته ..الوضع كان نيله طينه عالاخر .. ماشيه في الشارع بقول لنفسي الاوضاع ما ينفعش تتقندل اكتر من كدا ..لقيت سقاله نقل مونه عماره تحت الانشاء لبست في خلقتي .. مسعده ومبخته ..الجمجمه اتفشفشت ده غير الكسور واللازي منه مما استدعي عمليه اعاده بناء وش ورقده سرير في مستشفي بنت كئيبه لمده شهر وانا الي كنت بحضر نفسي لاوليمبيات اشبال الراكيت .. خسارتي ونعمه .. وشهر تاني في بيتنا .. الشهرين دول كنت هموت من الملل وابتديت اقرا المدونات .. خرجتني من الحاله المئندله الي كنت فيها سواء جسديا اوعقلياً... والصحاب طبعا بانو وقت الشده .. مش عارفه ليه زي ما اكون قلبت على عبوهاب مطاوع ... وعشان كل مغاره يطلعلي فيها كلب وعشان اصحابي كل واحد عندو مدونتو وبيكتب فيها قلت عشان محسش بالنقص مبدهاش بقا...نكتب ..اهو حتي اصحابي يزورني في المستشفي وانتو تزوروني هنا ....لا لا لا دا مش نكد يا ماما انتي تشويفلنا تربه .. كفايه عشان منتحرش .. خلاص خلاص قمت من السرير وعملت المدونه خلصنا وانا الان بين صفوف المواطنين امارس حريتي كامله كمواطنه سعيده متبشتكه

4- العصافير تزقلني بالطوب

وبعد غياب طال عن هذه المدونه التي لا تقل خيابه عن الاخري ...اعوووووود طن طن طاااان
احنا وصيلنا لاني اشتغلت في المصلحه بعد معجزه اللاهيه ودعا الوالدين وشحاته وسؤال الي يسوا والي ميسواش .....ابتديت بقا اثبت وجودي عشان الناس ماتقلش دي واسطه وكوسه...... كفالله الشر..... قال يعني انا لو موت نفسي في الشغل مش هايقولو برضو ...قعدت بقا اخد كورسات ومهارات وبلاوي سودا جابت اجلي واجل اللي خالفوني وورتني ايام سودا وغير كدا وكدا كسبتني حقد دفين من المحيطين بيا من مديرين وزملاء يعملون في تراب الروتين المقدس الناس بتقول عليهم حزب اعداء النجاح واللهي العظيم لابلغ عنكو امن الدوله واقول انكو حزب ديني وعليا وعلى اعدائي يا عموووو الظابط ...المهم فضل مديري استبعادي من دائره الضوء لفتره عشان اتربي واتعلم الادب و احرم اشتغل بضمير اوحماس .....انتي اتجننتي انتي شغاله في الحكومه يا ماما ....حماس ايه وبلا ازرق ايه؟؟ رايحه تاخدي كورسات ؟؟؟؟ ده بدل ما تطبقيلك ورديتين يطلعلك فيهم قرشين حلوين من باب الي يجي منهم احسن منهم ...وتزامن هذا الوضع مع صابونه محترمه اخدها معالي قريبنا .....مما ادي الي تركه الكرسي وتركي انا مكتبي .......وهكذا كان زنبي على جنبي وتمت تنحيتي رغما عني من منصبي المحترم المرموق الي مجرد مهندسه درجه سادسه متسويش تلاته احمر ولا حتي ابيض يعني ابوس ايدي وش وضهر لو السكه الحديد خادوني....ربنا الي بياخد وبعدين بقا انا كدا المفروض اثأر لكرامتي واسيب المكان ...بس انا لو قلت كدا لامي هتموتني بعد ما يا حبت عيني حفيت على ما تشغلني وابويا مش ناقص نكد كفايه عليه انو مواطن في بهجه العظمي همممممم......طيب انا خاليني في مكاني لحد ما اللاقي بديل واحتمال برضه اللاقي عريس في الفتره دي و اهو يبقا الواحد ضرب عصفورين بحجر...اظاهر ان العصافير هيا الي بقت تزقلني بالطوب ...ولا يهمني ...النخل العالي هوا الذي يقذف بالحجاره

نظرا لضيق الوقت من تحت راس قس البلاوي والمصايب السيد المدير

انتقلت كل المواضيع الي البلوج الاساسي

http://mahamemo.blogspot.com

عالظالم والمفتري يا رب

قولو امين

جوازه تيك اواي

كل الي الشباب دلوقتي عايزين عروسه تيك اواي يعني يكونوا قاعدين في بلد خليجي اوغربي بيكونوا نفسهم ...ليهم حق طبعا هيا البلد فيها شغل ولو فيها صاحب الشغل يطلع عينك و عين اهلك كلهم عقبال ما يديك مرتب يغطي ضروريات الحياه بالعفيه .. الشاب منهم عايز يتجوز في شهر وياخد الشنطه .. قصدي العروسه للمكان الي عايش فيه وخلاص .. ايه دة طب وفتره الخطوبه والدراسه دي تحصل أمتي ....ردت واحده صحبتي وقالت يعني هوا في حد بيبان في الخطوبه ؟ده كله بيمثل على كله.... ده الجواز ده بطيخه ...يا تطلع قارعه يا تطلع حمره.... يا ستي بس فيه مؤشرات وعلامات بتبين في الفتره دي بدل ما الفاس تقع في الراس ونرجع نقول يا ريت الي جرا ما كان ... دايما اقول الي يقرر على استعجال يندم على مهل ... واحنا بطبيعتنا شعب اتعودنا على الخوف .... ناخد دروس واحنا في سنوي نخاف لاحسن منجبش مجموع.....نخش كليه سوقها ماشي نخاف لحسن منشتغلش ... اتخرجنا نخاف نشتغل في قطاع خاص ونقول مش مضمون فنجري ورا الحكومه اقتدا بالمثل الشعبي المشهور ان فاتك الميري اتمرمغ في ترابه ... ان سمعنا عن مرض جه لفرخه ... نجيب اجل الثروه الحيوانيه كلها خوفا من نقل المرض ... ااايوة احنا أصحاب برأه اختراع من خاف سلم... دي حقيقه .. وبعد كل ده الواحده مننا تسيب مصر بحالها وتروح بلد غريبه مع واحد متعرفهوش معقوله.ده مش من طبيعتنا حتي..عشان نعيش نسيب العيشه

بلاوي النت

من كام يوم كده و انا فاتحه المسنجر و لا بيه و لا عليه بصيت لقيت اسم غريب بيكلمني انا اصلا مبردش على حد غريب لاحسن يبقا فيها لبش وأشرف في أمن الدوله وانا واحده اهلي عايزني المهم رديت بحرص مين حضرتك قال ممكن نتعرف تجاهلت الاسم و لكن اخذ في الكلام انا محمد وعندي واحد وتلاتين سنه هتسعديني قلت يا دي النيله على اللي محتجيين مساعده في البلد دي المساعد ربنا يا ابني......المهم تكرر دخوله على المسنجر وتكررت محولاته للكلام .....واعتقد انه في الفتره دي كان بيحضر المجستير فكان بيعد كتير على الانترنت وانا كنت شغاله في مشروع فكنت على النت على طول برضه فمره ابتدا يسأل انتي ساكنه فين ... قلت ... راح رادد بسرعه تدل على حماس مصطنع ايه ده جنبي وكنتي في مدرست ايه ... قلت... قال بنفس الحماس .. ايه ده دي كانت ورا مدرستي يا دي النيله .... لاحسن يطلح اخويا في الاخر .... قعد يكلم ويسأل في تفاصيل موريبه وفوجئت بيه مره بيقول انه عايز يتقدملي رسمي .....ايه يا دي الفضيحه عريس من النت ......انا استغربت بس قلت يا ولاد هوا حد طايل ده البلد فيها ازمه عنوسه ......سنه مناسب و ابن ناس كويسين ليه لا ..المهم بعتلي صوره ... يا حفيظ ... ايه ده اللهم احفظنا .... مش مشكله الشكل مش كل حاجه احنا نركز على الجوهر والشخصيه والحجات دي..عدى عليا في الشغل وشافني لابسه الطقم الغالي بتاع وسط البلد اياه وبدفع تيبس وواخده وضعي اوي يعني اتوهم بالمنظر و اتفق وحدد ميعاد مع الحاج وفي الميعاد المنتظر شرف البيه ومعاه عمه ... متكلموش في اي حاجه مهمه مجرد قاعده بس يعني من خد فكره و تعالى بكره و بعد كام يوم حدد ميعاد تاني ...يوه هيا صورا بقى .... ما ورايشش عرسان غيره و لا ايه... جم تاني و كانت المفاجأه .. ابتدا عمو يقول انا ابن اخويا محمد هوا احسن و احد في العيله واخلاقه ودينه والكلام ده تمام كويس اوي ... وعنده شقه... يا سيدي على العز.. وهتجيبو و هنجيب و الفرح النص بالنص والفستان علعروسه وتفاصيل من دي ولما الحاج علق بس على الكلام و لكن و الله لم يعترض ابدا............ قعد المحترم يتريق ويتفاخر بكونه مش قليل زي ما قال ....يايييييييييييي..والدي ما كانش قائد طابيه...... طب يا سيدي اتلهي ........هيا الناس لقيا تاكل في بلدنا امال لو كان من رجال الاعمال كان عمل ايه..... ولا لو كان يقرب لظاظا .... و خرج وهوا في قمه الاستغراب ازاي الحج علق معنا كده انه مش مقدر قمته العلميه المعمليه الفزه ....و ان احنا المفروض نسمع ونقول امين ..بدون ابداء اي ملاحظات..يعني بوسي ايدك وش وضهر اني عبرت اهلك ... يا سيدي ما كونك موظف ولا دكتور محترم ميمنعش انك راجل والمفروض تشيل المسؤوليه و لا أكمنك شوفت الموبيل البنانا بقا افتكرت ان تحت القبه شيخ ؟.....

الموظفه

خرجت مع السيد المسؤل عشان يوصلني مكتبي الانيق وابتديت اول مهام عملي المرموق باستلام كمبيوتر حديث من بتوع برنامج عالم التكنولوجيا وشغلت النت ببلاش بقا وابتدا الموظفين يعدوعلى مكتبي طبعا عايزين يشوفوا قريبت معاليه (الي هيا انا) عملت نفسي مش فاضيه ومسكت الموبيل البنانا بتاعي وقال ايه بكلم معاليه ...رسمت نفسي يعني بنت زوات... بنت زوات .....وماما اسمها رشا وبلعب جولف ..شويه وبصيت لقيت تليفون المصلحه بيرن ..يا مسهل ..لحقنا كده على طول... ده الشغل ده متعب بشكل.......هالوووو(خاتو بالكو ولاد الزوات بيردو ازاي عتليفون)..... مين معايا...سمعت صوت بيقول حضرتك المهندسه الجديده ...قلت بعد ما ابتديت اتخض ...ايوه انا مين سيادتك ..قال انا مديرك اتفضلي هاتي ورقه وقلم وتعالي المكتب.... فعلا جبت اجنده وقلم من بتوع الوزاره ما هو ببلاش بقا ....ورحتلو المكتب لقيت في اربع مهندسين برضه عنده ..يا سلام علكوسه ....قال... دول زمايلك انتو من هنا ورايح هتشتغلو مع بعض ...خير وبركه وحد يكره أستعنا على الشقا بالله